Beiseina

Nun ram châu khawsawt chu,
Beiseina chau a nih a thlir chu.
Tlung nawn nawk ngailo thil a liem a;
Hlimna a lo tuok tahai po a vûi liem phal si nawh,
A thlir,a nghak,a beisei, a tlung si nawh.
An nghil nawh,a zawng zing,a hmu si nawh;
A mit-a mitthli a hul zo tah,
Mi tamtak kara mal nun a'n chuk a țul.
Sel takin a tuor a,a châu;
Sienkhawm tlawm a tum nawh.
Chungtieng khi a thlir chun;
"Ka lunginsietna che i tadingin a hun tawk"
Tiin a lo dawn.
Hi hringnun hih a vûi liem hma chu;
A nih suolsuok a ta,bei ve pei a tih,
Beiseina hringin a liempui hma chu.



Duthusam tinin a tak ram an chang nawna khawvel chu tisain  pal ve in.
Famkim um lo laia famkim lo pakhat ve khan,
Harsatna le buoinain a chimbuoi phak lona hringnun inhnarin duthu a sam hlak.
Sienkhawm chu duthusam chu  duthu sam el chau a nih.
Chu nun ram châu khawsawt chun,
Beiseina chau a nih a thlir chu.
Tlung nawn nawk ngailo thil a liema,
Hlimna a tuokhai chu a vûi phal si nawh.
A thlir,a nghak, a beisei, a tlung si nawh.
An nghil nawh, a zawng zing, a hmu si nawh,
A mit-a mitthli a hul zo tah.
Mi tamtak karah mal nun a'nchuk a țul,
Sel takin a tuor, a châu;
Sienkhawm tlawm a tum nawh.
Hi vut pila siem vut pila a kir nawk hma chu,
A nih suolsuok a ta, bei pei a tih.


Popular posts from this blog

lunghlu

Lunghlu chun mawina an tlun theia, Hlimna ruok chu a pai sa nawh. Kan kuthai hi an nêm ve nawa, Sin ruok chu an thaw thei. Kan taksa hi a mawi ve nawa, Sienkhawm sin an thaw thei ve thung. Kan hnerhai hi a rim an hnik ve nawa, Sienkhawm thudik an hril hlak. Hmangaina hi kan ta dingin infiemna a ni ve nawa, Kan hringna a ni lem. Rangkachak le dar engin kan inbel ve nawa, Hratna le zaumnaa inbel kan ni lem.
Read more

mi ropui

Mi ropui ngirhmun hluo ve tumin, Ka chun ka zuo'n duthu sam in. Siel ang ka lien kar nghakhla'n, Dawlai siktui ang mi nghak. Thiempâr zu thlum hawn ngei beisei in, Kawrvaipui dar ang min sai tir. Kei a hminga vâl tiema um hih, Ziekfung chawia sawmfâng kûr ngui buonpui si lo. Zâl khumah thal bahâka zâlin, Suongtuona dâra inbâttuoa duthu ai ang sampui, Hun hlak chu tuipui luongin a luong, La châm rawh ti thei hlak nilo. Nghak hrim a nei ngai si nawh, Mi ropui ni tuma thang ei hei khaw leh, Thabona le suongtuona'n mi chên chil in. Ka tum am a ru saru ka bei am a sei run dung, A ngur nun ienga leng ve tumin
Read more

Fam

Fam chang dar hi mi ta dingin ka lo ruot hlaka, Kan ta dingin an ri ding hih kan dawn ngai nawh. Sienkhawm kan thlir zinglai che khan Fam chang an ti che, Kan bulah i umlai khan maw muol i liem an tih. Bawm thing cheimawi i ta dingin an siema, Keini "lusun" an mi tih. Tapna di'n kan rûn a lien naw maw? Chinlai unau run sang hung belin, Hunin la hnem a cheu an mi tih. Pa nang naw chu Pa dang kan nei nawh, Hunin a lakbo thei i ni thei ngai ding an a nih. I rauthla bekin mi hung thlir raw aw Pa, Sienkhawm i hadam daltu ni kan nuom nawh. Hringchan rûn hnungsawnin,
Read more