I hmel a țha a ni el thei,khawvela hmelțha tamtak an um leiin hmelțhatna hin hnam nun amani, ieng hnam am i nih a tarlang chuong lêm nawh ti hre thei i tih.
I pieng a nal vieu a ni khawmin mi nauhai pieng nalna hin an nina a suk chieng zuol nawh ti theinghil ruol i ni bîk naw kha!!
Lekha thiemna kawnga i chungchuongin mi bîk tak i ni el thei, sienkhawm thiemna chu thluoka um a ni leiin i nina an lang țha thei nawh.
Hmelțhatnahai pieng nalna le thiemna hin tûm i nih an fie zo si naw chun nang le kei hin tu'am ei nih suklangna dingin iem ei nei ve? HMAR țawng ei piengpui,ei Nu țawng ngei hi a nih, mi nei ve lo eini mi suk eini ngawi ngawitu inro nachang khawm hre lovin, a bo thei a nih ti ngaituo der lovin i khawsa hlak am a nih?
Sap țawnghai i lo thiem vieu a ni khawmin HMAR i nina i sût thei chuong si naw maw, i hmang inthlada a, i ziek inthlada hin mani le mani inhmusit el i nih, mani mawng hlîm ang el i nih. Mi thuomhnaw haw fawma nal deua inchei ang tho ning i tih.
Ben har kher ngai lovin inngaituo har ve raw khai!!