ziek mei mei
Hmeltha bik taluo lo ve ve,Mi bik ni lo ve ve le midang neka tha bik taluo lo ve ve midang neka i mi hang thlang bik le ka hang thlang bikna che hi ni a special-na chu.
Harsatna le buoinain a chim buoi phak ngai lo na hringnun inhnarin duthu ka sam hlak, sienkhawm chu duthusam chu duthu samna el chau a ni si.
Hringmi laituol lengna khawvel tisain ka ka pal ve a, famkim um lo laia famkim lo pakhat ve hin.
Nun ram châu khawsawt chu,
Beiseina chau a nih a thlir chu.
Tlung nawn nawk ngailo thil a liem a;
Hlimna a lo tuok tahai po a vûi liem phal si nawh,
A thlir,a nghak,a beisei, a tlung si nawh.
An nghil nawh,a zawng zing,a hmu si nawh;
A mit-a mitthli a hul zo tah,
Mi tamtak kara mal nun a'n chuk a țul.
Sel takin a tuor a,a châu;
Sienkhawm tlawm a tum nawh.
Chungtieng khi a thlir chun;
"Ka lunginsietna che i tadingin a hun tawk"
Tiin a lo dawn.
Hi hringnun hih a vûi liem hma chu;
A nih suolsuok a ta,bei ve pei a tih,
Beiseina hringin a liempui hma chu.
Duthusam tinin a tak ram an chang nawna khawvel chu tisain pal ve in.
Famkim um lo laia famkim lo pakhat ve khan,
Harsatna le buoinain a chimbuoi phak lona hringnun inhnarin duthu a sam hlak.
Sienkhawm chu duthusam chu duthu sam el chau ani si.
Chu nun ram châu khawsawt chun,
Beiseina chau a nih a thlir chu.
Tlung nawn nawk ngailo thil a liema,
Hlimna a tuokhai chu a vûi phal si nawh.
A thlir,a nghak, a beisei, a tlung si nawh.
An nghil nawh, a zawng zing, a hmu si nawh,
A mit-a mitthli a hul zo tah.
Mi tamtak karah mal nun a'nchuk a țul,
Sel takin a tuor, a châu;
Sienkhawm tlawm a tum nawh.
Hi vut pila siem vut pila a kir nawk hma chu,
A nih suolsuok a ta, bei pei a tih.
Beidawngna a beidawng san hnung chun,
Beiseina nei chu a beisei tlat a,
Tumru tumin a tum a suk ru a.
Hlawtlingna chu hlawngtling takin a hlaw tah.
A zie inchuka bei fan fantu chu,
A bulin hlawsam rawp hlak sien khawm,
A selna lungril chun
Hlawtlingna khârtung chu la sâwn veng a tih.
Ka ngai che ti thumal hin i ngaiumzie a hrilfie tawk sin ka ti, ka tawngkam tina bel pei ka nu
Zankhua thim zualin vartian a hnai thin ti i hriat kha.
Um ngaina ka hriet nawa,um naw ngaina hlak um chuong si lo ka um vel mei mei a nih.
Hawilopar thliek ka nuom,nang nghil zai ka rel theina ding che'n.
Ei hnuoi nun hi lo dang sienkhawm,ka lungrila hichu thina chau naw chun suk danglam naw nih
Hre phak chuong naw la khawn,a pangngai ang bawkin"ka ngai che"ti a tul nawk hlak.